‘धुम्रपान स्वास्थ्यका लागि हानिकार छ’ भन्ने सन्देश त तपाइले सुन्नु नै भएको होला । तर अब यो सन्देशको रुप फेरिएको छ । भाद्र २१ गतेबाट प्रदर्शनमा आउन लागेको चलचित्र ‘जंजिर’ले यो सन्देशलाई नयाँ तबरले प्रस्तुत गरेको छ ।

चलचित्रमा कलाकार जयकिशन बस्नेत ‘धुम्रपान स्वास्थ्यका लागि हानिकारक छ’ भन्न छोडेर ‘ धुम्रपान स्वास्नीका लागि हानिकार छ’ भन्दै गरेको अवस्थामा देखिने छन् । शोभित बस्नेतको निर्देशनमा तयार भएको यो चलचित्रमा जयकिशन बस्नेत, हषिर्का श्रेष्ठ लगायतका कलाकारको अभिनय देख्न सकिन्छ । चलचित्र ‘जंजिर’ थकालीमा पाकेको खाना हो भन्न रुचाउछन् निर्देशक बस्नेत । करण क्रेजीको प्रस्तुतीमा तयार भएको यो चलचित्रमा मोहनकृष्ण श्रेष्ठको पनि लगानी छ ।